Sjå videokast frå FFI-forum om Nord-Koreas atomvåpenprogram
Ein skulle tru det var superhemmeleg. Men FFI-forskar Halvor Kippe veit ein god del om Kim Jong-uns våpenprogram sjølv om han ikkje er spion.
Nord-Korea forsøker å svekke den amerikanske motivasjonen til å komme sine allierte til unnsetning gjennom å true det amerikanske fastlandet med dei kraftigaste våpena sine, meiner Halvor Kippe. Video: FFI.
Tysdag 26. februar arrangerte vi forumet «Kan og vil Nord-Korea bruke kjernevåpen?» i Oslo Militære Samfund.
Med seg på scena hadde FFI-forskar Halvor Kippe spesialrepresentant for nedrusting Jørn Osmundsen frå Utanriksdepartementet og Henrik Stålhane Hiim, seniorforskar ved Norsk utanrikspolitisk institutt (NUPI).
Kippe bruker åpne kjelder i arbeidet sitt. Han gav nyleg ut rapporten «Nuclear weapons capabilities and doctrines in North-Korea».
– Nord-Korea vil avskrekke USA ved å vise at dei er villige til å ta i bruk kjernevåpen svært tidleg i ein konflikt, meiner Kippe.
Under FFI-forumet diskuterte han blant anna om Nord-Korea kan lykkast med å gjennomføre eit slikt angrep, og om våpena dei har, vil gjere jobben utan fleire testar.
Jørn Osmundsen er spesialrepresentant for nedrusting i Utanriksdepartementet.
Henrik Stålhane Hiim er seniorforskar ved NUPI og jobbar både med asiatisk tryggingspolitikk og kjernevåpenspørsmål.